GLOBAL QIYMAT ZANJIRLARIDA RIVOJLANAYOTGAN MAMLAKATLARNING O'RNI

Mazkur ilmiy maqolada global qiymat zanjirlarida (GQZ) rivojlanayotgan mamlakatlarning tutgan o‘rni, ularning xalqaro ishlab chiqarish jarayonlariga integratsiyalashuvi va iqtisodiy rivojlanishga ta’siri kompleks tahlil qilingan. Globalizatsiya sharoitida ishlab chiqarish jarayonlarining fragmentatsiyalashuvi natijasida rivojlanayotgan mamlakatlar global qiymat zanjirlarining muhim bo‘g‘iniga aylanib bormoqda. Tadqiqotda rivojlanayotgan mamlakatlarning xomashyo yetkazib beruvchi, yarim tayyor mahsulot ishlab chiqaruvchi va qo‘shimcha qiymat yaratishdagi ishtiroki ilmiy asosda yoritilgan. Shuningdek, O‘zbekiston va boshqa rivojlanayotgan mamlakatlarning global qiymat zanjirlaridagi imkoniyatlari va muammolari ko‘rib chiqilgan. Tadqiqot natijalari shuni ko‘rsatadiki, global qiymat zanjirlarida faol ishtirok etish rivojlanayotgan mamlakatlar uchun sanoatni modernizatsiya qilish, eksport salohiyatini oshirish va barqaror iqtisodiy o‘sishni ta’minlashda muhim omil hisoblanadi.